Lestu um leikinn: Stjarnan 2 -  2 Víkingur R.

„Þetta voru sanngjörn úrslit held ég. Þetta var góður leikur hjá báðum liðum," sagði Emil.

Um vítaspyrnuna sagði hann: „Þetta var klárt víti. Ég held að Ingvar myndi viðurkenna það líka. Jói er oftast vítaskyttan en hann var farinn út af og ég er næstur."

Emil er búinn að eiga ansi gott sumar. Hann er búinn að gera níu mörk og er með markahæstu leikmönnum deildarinnar.

„Þetta er klárlega eitt mitt besta tímabil. Mér líður vel og ég hef trú á sjálfum mér. Þetta er að ganga upp hjá mér þetta árið og það er frábært."

Hægt er að sjá allt viðtalið við Emil í spilaranum hér að ofan, en hann er ekki á leið til Vestmannaeyja á Þjóðhátíð.