Lestu um leikinn: Grótta 0 -  2 Fylkir

„Bara frábært að koma hérna og taka 3 stig við erfiðar aðstæður." Sagði Ólafur Ingi Stígsson annar þjálfara Fylkis eftir leikinn í kvöld.

„Við fáum nátturlega 3 dauðafæri þarna í seinni hálfleik þar sem við hefðum getað klárað leikinn algjörlega, erum smá klaufar en bara hrós á strákanna, fín spilamennska og heilt yfir eins og ég segi, bara aðstæður eins og þær voru". 

Bæði mörk Fylkis voru af dýrari gerðinni en fyrst átti Valdimar Þór frábært skot sem fór upp í vínkilinn hægra meginn áður en Hákon Ingi hristi af sér vörn Gróttu og átti frábært skot sem flaut yfir Hákon Rafn og í vínkilinn vinstra meginn.
„Flott mörk og flott spilamennska, bara framhald af því sem við höfum verið að gera og eins og annað markið, við ætluðum bara að skjóta á markið og við ætluðum að nota vindinn sem heppnaðist vel þarna en annars bara heilt yfir flott spilamennska." 

Fylkismenn eru eins og áður kom fram í hörku evrópubaráttu en Óli vildi ekki að menn færu fram úr sér þrátt fyrir góða stöðu.
„Við erum með okkar markmið fyrir okkur og við verðum bara að halda áfram og gera það sem við höfum verið að gera, við erum búnir að vera með 3 mjög góða leiki í þéttu prógrammi og núna kemur pása fyrir okkur þannig við höldum áfram og sjáum bara eftir hvern einasta leik hvernig staðan er."