Kantmaðurinn ungi Amad Diallo verður áfram í herbúðum Manchester United.
Ole Gunnar Solskjær, stjóri United, sagði í síðustu viku að Amad væri á förum á láni áður en félagaskiptaglugginn myndi loka. Það var búið að ná samkomulagi við hollenska félagið Feyenoord um lánssamning en nú verður ekkert úr því.
Amad meiddist nefnilega á æfingu og verður frá í um sex vikur. Feyenoord ákvað því að taka hann ekki að þessu sinni.
Daniel James, sem byrjaði fyrir United gegn Úlfunum í gær, gæti hins vegar verið á förum. Tækifæri hans með liðinu munu fara minnkandi við komu Cristiano Ronaldo til United.
Leeds hefur lengi reynt að fá James og hefur lýst yfir áhuga á honum. Önnur félög hafa líka áhuga og er United tilbúið að lána hann eða selja hann að sögn BBC.
Athugasemdir