Franski miðillinn L'Equipe sagði frá ótrúlegu máli um síðustu helgi þar sem kom fram að Mathias Pogba hefði á þessu ári ítrekað reynt að kúga fé úr bróður sínum.

Þeir sem reyndu að kúga fé úr Pogba hafa reynt að koma höggi á hann með því að segja að hann hafi farið til galdralæknis til þess að setja bölvun á liðsfélaga sinn í landsliðinu, Kylian Mbappe, eitthvað sem Pogba þverneitar fyrir.

Að sögn L'Equipe þá er talað um það innan franska landsliðshópsins að það sé til myndband af því þegar Pogba hafi lagt bölvun á Mbappe.

Ekki er vitað af hverju Pogba myndi leggja bölvun á Mbappe, þeir eru nú liðsfélagar í franska landsliðinu. Ekki er vitað hvernig þessi bölvun myndi ganga fyrir sig og hvort það sé í raun hægt að leggja bölvun á annan einstakling yfir höfuð. En ef þetta er satt, þá er Mbappe eflaust ekkert sérlega sáttur.

Sjá einnig:
Drama hjá Pogba-fjölskyldunni - Reyndi að kúga bróður sinn um 13 milljónir evra