Liverpool mætir Newcastle á Anfield annað kvöld í ensku úrvalsdeildinni og fréttamenn ræddu við Jurgen Klopp, stjóra Liverpool, í tilefni leiksins.
Félagaskiptaglugganum verður lokað klukkan 22 á fimmtudagskvöld. Fyrst var hann spurður að því hvort félagið væri enn að vinna í því að fá inn miðjumann?
„Já... en því nær sem dregur gluggalokum því ólíklegra verður það að við fáum inn nýjan leikmann. Þannig er það bara. Það eru nokkrir leikmenn sem væru góðir kostir en svo eru þættir eins og samningar og félög sem vilja ekki selja. Það er enn tími til stefnu en þegar glugganum verður lokað verð ég ánægður. Þá getum við hætt að hugsa um þetta og einbeitt okkur að því liði sem við erum með," segir Klopp.
Klopp var spurður út í fréttirnar um Scott Parker sem var rekinn sem stjóri Bournemouth í morgun:
„Þegar maður heyrði þessar fréttir þá minnti það mann á hversu mikilvægt er fyrir félög að vera með rétta eigendur. Þetta snýst ekki um eyðslu, félög eru rekin á ólíkan hátt. Það eru ríkisstjórnir sem eiga fótboltafélög og enn eru ekki reglur sem hindra þær í að gera það sem þær vilja. Svo eru félög sem eru eins og við og félög eins og Bournemouth. Þrjú lið komu upp, Nottingham Forest er að eyða háum fjárhæðum, Fulham er að styrkja sig og Bournemouth hefur ekki gert mikið. Það er erfitt þegar þú ert í úrvalsdeildinni," segir Klopp.
Um möguleika Newcastle á að komast í topp sex:
„Þeir eru næsta lið til að gera það, ef Eddie Howe fær tíma. Ég veit ekki hvort hann þurfi annan félagaskiptaglugga en þeir munu örugglega komast þangað. Þannig er heimurinn sem við lifum í. Newcastle er frábært félag sem naut velgengni áður. Þeir eru með allt til alls til að komast í topp sex."
Á fréttamannafundinum upplýsti Klopp það að Diogo Jota muni á fimmtudag snúa aftur til æfinga eftir meiðsli, það eru einhverjir dagar í viðbót í að Thiago Alcantara snúi aftur til æfinga.
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir