Hinn stórskemmtilegi Allan Saint-Maximin skoraði frábært mark í jafntefli gegn Wolves um helgina en útlit er fyrir að hann verði ekki með gegn Liverpool.

„Það er áhyggjuefni varðadni Allan Saint-Maximin, hann er glíma við meiðsli aftan í læri. Hann meiddist seint í leiknum gegn Úlfunum þegar hann var að spretta til baka til að verjast," segir Howe.

Kieran Trippier ætti að geta spilað á morgun en leikurinn kemur væntanlega of snemma fyrir miðjumanninn Bruno Guimaraes sem ekki gat tekið þátt í leiknum gegn Úlfunum.

„Hann er á góðum batavegi. Ég veit ekki með þennan leik en vonandi er mjög stutt í hann. Hann er búinn að takast á við þetta af jákvæðni og getur ekki beðið eftir því að snúa aftur. Hann er okkur mikilvægur og vonandi kemur hann sem fyrst aftur."

Svínn Alexander Isak kom frá Real Sociedad en beðið er eftir keppnisleyfi fyrir sænska sóknarleikmanninn.

„Ég vona það innilega að hann verði löglegur gegn Liverpool. Það væri frábært ef hann gæti tekið þátt. Þetta er í höndum annarra en vonandi verður þetta klárað fyrir leik. Hann verður að vera kominn með leyfi 75 mínútum fyrir leik svo þetta gæti orðið tæpt. Hann hefur litið vel út á æfingasvæðinu, það er spennandi að fá hann," segir Eddie Howe.