Anthony Gordon leikmaður Everton er í byrjunarliði liðsins sem mætir Leeds í úrvalsdeildinni í kvöld.
Hann hefur verið orðaður við Chelsea að undanförnu en margir hafa furðað sig á verðmiðanum en Everton er talið hafa hafnað 60 milljón punda tilboði í leikmanninn.
Frank Lampard stjóri Everton hefur varað Gordon við því að neita að spila fyrir félagið.
„Ef hann myndi reyna það þá myndi hann sjá nýja hlið á mér. Það er ekki spurning og ég held að hann viti það. Ég veit að hann er ekki þannig gerður en á sama tíma er hann ekki vélmenni."
„Öll þessi athygli er erfið og ég skil það, ég var einu sinni ungur og metnaðarfullur," sagði Lampard.
Athugasemdir