þri 30. ágúst 2022 15:00
Elvar Geir Magnússon
Winks flýgur til Ítalíu í læknisskoðun
Mynd: EPA
Harry Winks mun fljúga til Ítalíu á næstu klukkutímum til að gangast undir læknisskoðun og skrifa undir lánssamning við Sampdoria.

Fabrizio Romano greinir frá þessu en hann verður lánaður frá Tottenham út tímabilið.

Winks er 26 ára varnarsinnaður miðjumaður með 10 landsleiki að baki fyrir England og 203 leiki fyrir Tottenham Hotspur.

Hann er alinn upp hjá Tottenham og er þetta í fyrsta sinn á ferlinum sem hann yfirgefur félagið á lánssamningi.

Winks spilaði 30 leiki á síðustu leiktíð en aðeins 19 í ensku úrvalsdeildinni. Leiktíðina þar áður spilaði hann einnig 30 leiki en fyrir það hafði hann verið byrjunarliðsmaður.


Athugasemdir
banner
banner
banner