Florian Wirtz vekur áhuga Manchester City.
Youssef En-Nesyri er orðaður við Arsenal.
Viðræður Fiorentina við Vlahovic ganga illa.
Wirtz, Danjuma, Lacazette, En-Nesyri, Phillips, Rice, Johnstone, Winks, Torres og fleiri í slúðurpakkanum í dag. Það er ýmislegt áhugavert í skemmtilegum sögusögnum dagsins.
Manchester City hefur áhuga á ungstirninu Florian Wirtz (18), þýskum miðjumanni Bayer Leverkusen. Táningurinn hefur þegar spilað þrjá landsleiki fyrir Þýskaland. (Bild)
Njósnarar Liverpool fylgdust með á Old Trafford í gær þar sem hollenski vængmaðurinn Arnaut Danjuma (24), fyrrum leikmaður Bournemouth, átti frábæran leik með liði Villarreal. (Mirror)
Arsenal mun bjóða Sevilla að fá franska framherjann Alexandre Lacazette (30) sem hluta af tilboði í marokkóska sóknarmanninn Youssef En-Nesyri (25). (La Razon)
Leeds United hefur hafið viðræður við Kalvin Phillips (25) um nýjan samning til að forðast hættuna á að missa enska landsliðsmiðjumanninn til Manchester United. (Star)
Tottenham hefur áhuga á enska markverðinum Sam Johnstone (28) hjá West Brom. (Football Insider)
Tottenham er einnig tilbúið að láta enska miðjumanninn Harry Winks (25) frá sér þegar janúarglugginn opnar. (Caughtoffside)
Frenkie de Jong (24), miðjumaður Barcelona og Hollands, segir að það sé engin lausn að reka Ronald Koeman. (Goal)
Chelsea er að íhuga kaup á varnarmanninum Pau Torres (24) frá Villarreal. Manchester United hefur lengi sýnt honum áhuga. (90min)
Inter hefur ekki áhuga á að kaupa markvörðinn Bernd Leno (25) frá Arsenal. Ítalska félagið vill frekar fá kamerúnska landsliðsmarkvörðinn Andre Onana (25) frá Ajax. (Fabrizio Romano)
Leno telur að ástæðan fyrir bekkjarsetu sinni að undanförnu tengist ekkert frammistöðu. Hann vonast til að komast í annað lið í janúar. (Bild)
Franski miðvörðurinn Jules Kounde (22) segist vera með einbeitingu á að standa sig fyrir Sevilla eftir að Chelsea tókst ekki að kaupa hann í sumar. (Star)
Rocco Commisso, forseti Fiorentina, segir að félagið sé í vandræðum með að sannfæra Dusan Vlahovic (21) um að skrifa undir nýjan samning. Chelsea hefur áhuga á serbneska sóknarmanninum sem skoraði 21 mark í ítölsku A-deildinni á síðasta tímabili. (Express)
Everton er með augu á Gonzalo Villar (23), spænskum miðjumanni Roma, sem virðist ekki vera í áætlunum Jose Mourinho. (Fichajes)
Ole Gunnar Solskjær viðurkennir að Jesse Lingard (28) sé fúll yfir litlum spiltíma hjá Manchester United. (Metro)
Ítalski framherjinn Lorenzo Insigne (30) segir að hann sé ekki að flýta sér að gera nýjan samning við Napoli. Núgildandi samningur rennur út næsta sumar. (Sky Sport Italia)
Ítalski varnarmaðurinn Leonardo Bonucci (34) segist hafa verið nálægt því að ganga í raðir Manchester City 2016 og hafi einnig rætt við Pep Guardiola í fyrra. (Athletic)
Athugasemdir
