Pulisic skoraði eina mark leiksins gegn Íran og meiddist í leiðinni eftir samstuð við markvörð Írana, sem endaði með takkana á hægri fæti á heilaga svæði Pulisic.

Bandaríkin mæta sterku liði Hollands í 16-liða úrslitum en það var sagt frá því í morgun að óljóst væri hversu lengi hann yrði frá.

Pulisic hefur sjálfur gefið það út að hann muni vera klár fyrir leikinn á móti Hollandi. Hann ætlar ekki að missa af því.

Pulisic sendi Snapchat-skilaboð úr spítalarúmi sínu en þeim skilaboðum hefur verið lekið og dreift víða á samfélagsmiðlum. „Ég er svo stoltur af strákunum mínum! Ég verð klár á laugardaginn, ekki hafa áhyggjur af því," skrifar Pulisic.