Swansea heimsótti Watford í dag en þeir voru fyrir leikinn í neðsta sæti ensku úrvalsdeildarinnar en lyftu sér af botninum með 1-2 sigri á Watford.

Carvalhal talaði um eftir leikinn að sínir menn hafi verið aðeins heppnari í dag.

„Við reyndum allt til að vinna í dag, þetta var ekki auðvelt því Watford er mjög sterkt lið."

„Við höfðum heppnina með okkur í dag, en þeir voru líka heppnir," sagði Carvalhal en Narsingh tryggði Swansea sigurinn á 90. mínútu leiksins.

Carvalhal hrósaði svo leikmönnunum en leikmenn og stuðningsmenn Swansea hafa ekki haft mikið til að gleðjast yfir á tímabilinu enda var sigurinn í dag, fjórði sigur þeirra á tímabilinu.

„Ég verð bara að segja þetta um leikmennina mína, ég er virkilega ánægður með það hvað þeir gerðu inn á vellinum í dag eftir erfiðar vikur."