„Því miður skil ég stundum ekki hvernig myndbandstæknin virkar. Það er fáránlegt að svona augljós vítaspyrna hafi ekki verið gefin," sagði Vrenna við Mediaset Premium.

„Það eru tvö stór atvik í leiknum sem hann klúðrar. Fyrst þegar boltinn fer í höndina á Mertens og svo þegar það er brotið á Federico Ceccherini á síðustu mínútu leiksins."

Myndbandstækni var notuð í báðum atvikunum sem um ræðir. Fyrst fékk Dries Mertens, sóknarmaður Napoli, boltann í höndina á sér í hornspyrnu Napoli. Hönd Mertens var uppvið líkamann og því ekki vítaspyrna. Í öðru atvikinu féll Ceccherini innan vítateigs í uppbótartíma, en við nánari skoðun var það í raun hann sjálfur sem var brotlegur.

„Ég skil ekki hvers vegna við fengum ekki vítaspyrnu, þetta tap skilur eftir súrt bragð."