Franski miðjumaðurinn Tanguy Ndombele sneri aftur í lið Tottenham í 2-2 jafnteflinu gegn Norwich í gær og uppskar hrós fyrir frá Jose Mourinho.
Ndombele, sem var keyptur frá Lyon fyrir 65 milljónir punda - metfé fyrir Tottenham, var ekki í hóp gegn Brighton á öðrum degi jóla. Ndombele var ekki meiddur, en hann tjáði Mourinho það að honum liði ekki nægilega vel til að spila.
Sjá einnig:
Ndombele leið ekki nógu vel til að spila
Ndombele kom inn á miðjuna í gær og þrátt fyrir að úrslitin hafi ekki verið nægilega góð þá hrósaði Mourinho Frakkanum.
„Mér fannst Ndombele algjörlega stórkostlegur," sagði Mourinho.
Á blaðamannafundinum bætti hann við: „Hann spilaði mjög, mjög vel. Við vorum án Dier og Winks, en hann og Eriksen stjórnuðu ferðinni."
Tottenham er sem stendur fimm stigum frá Meistaradeildarsæti, en liðið mætir Southampton á útivelli á nýársdag.
Athugasemdir