Spal 2 - 3 Brescia
Það var Íslendingurinn Birkir Bjarnason sem tryggði Brescia endurkomusigur gegn Spal í ítölsku B-deildinni í dag.
Birkir kom inn á í stöðunni 2-2 á 76. mínútu. Ellefu mínútum seinna skoraði hann eftir undirbúning frá Florian Aye og reyndist það sigurmark leiksins. Spal leiddi bæði 1-0 og 2-1 í leiknum en gestirnir náðu að jafna í tvígang og vinna sigur.
Birkir byrjaði gegn Empoli í síðustu umferð og byrjaði á bekknum í dag. Þetta er hans annað mark á tímabilinu og hafa þau bæði komið í þessum mánuði. Hann kom einnig inn sem varamaður þegar hann skoraði fyrra markið sitt.
Brescia er í tíunda sæti deildarinnar með 21 stig en ekki öll lið deildarinnar hafa leikið sextán leiki líkt og Brescia.
Athugasemdir