Barcelona missti af fleiri stigum í gærkvöldi þegar liðið gerði 1-1 jafntefli gegn Eibar á Nývangi.

Úrslitin gera það að verkum að Börsungar eru í sjötta sæti í La Liga með aðeins 25 stig úr fyrstu 15 leikjunum.

Það er lægsti stigafjöldi sem Barcelona hefur náð í síðan tímabilið 2003-04 undir stjórn Frank Rijkaard þegar liðið var aðeins með 20 stig á þessum tímapunkti.

Það tímabil náði liðið að rétta úr kútnum seinni hluta tímabils og endaði með 72 stig í öðru sæti, fimm stigum frá meisturum Valencia. Liðið fékk að meðaltali 2,2 stig í leik í síðustu 23 leikjum sínum eftir að hafa bara fengið 1,33 stig að meðaltali eftir fyrstu 15 leikjunum.