Sigurbjörn Hreiðarsson, aðstoðarþjálfari Vals, spjallaði við Fótbolta.net eftir tapið gegn KR í undanúrslitum Reykjavíkurmótsins í kvöld.
Lestu um leikinn: KR 5 - 3 Valur
Garðar Gunnlaugsson skoraði tvö mörk fyrir Val.
„Það vita allir hvað hann getur. Hann var frábær í teignum. Hann gerði þetta mjög vel kallinn," sagði Bjössi.
Bjarni Ólafur í fríi
Auk þess að ræða um leikinn var hann spurður út í leikmannamál Valsmanna. Umræða hefur verið um að bakvörðurinn Bjarni Ólafur Eiríksson hafi ákveðið að hætta í fótbolta.
„Hann er bara í fríi. Hann hefur ekki tekið æfingar í smá tíma. Við sjáum bara hvað setur með það. Við sjáum hvað gerist þegar nær dregur."
Veit að þetta er bull shit
En er Hannes Þór Halldórsson á leiðinni í markið?
„Hann er bara að spila í Aserbaidsjan með sínu liði þar. Vonandi fær hann að spila þar og komast hærra í goggunarröðina þar. Við erum bara með okkar lið hérna en ég veit ekki hvað framtíðin ber í skauti sér."
Fréttablaðið sagði að Valur hefði gert samkomulag við Hannes, er það ekki rétt?
„Ég veit ekki hvaða heimildarmenn það eru. Ég veit að þetta er bull shit. Hann er bara úti í Aserbaidsjan."
Athugasemdir