Sky Sports greinir frá því að Manchester United bjóðist að kaupa Willian Jose, sóknarmann Real Sociedad, fyrir 25 milljónir punda.
Tottenham er í viðræðum við spænska félagið en vill helst fá sóknarmanninn lánaðan út tímabilið til að leysa Harry Kane af hólmi.
Man Utd vantar sóknarmann til að fylla í skarð Marcus Rashford sem er frá í nokkra mánuði vegna bakmeiðsla.
Willian Jose er 28 ára og hefur skorað 53 mörk í 130 leikjum frá komu sinni til Sociedad fyrir þremur og hálfu ári síðan.
Willian Jose bað um sölu frá félaginu fyrr í mánuðinum og hefur verið utan hóps síðustu þrjá leiki.
Athugasemdir