Copa America verður ekki í Argentínu.
Copa America, Suður-Ameríku bikarinn, fer ekki fram í Argentínu eins og til stóð. Covid-19 ástandið í Argentínu er sérstaklega slæmt og því hefur knattspyrnusamband Suður-Ameríku (Conmebol) tekið mótið af landinu.
Upphaflega átti mótið að vera haldið í Argentínu og Kólumbíu en Kólumbía missti gestgjafaréttinn vegna mikilla og harðra mótmæla í garð ríkisstjórnar landsins.
Staðan er því þannig að ekki er vitað hvar Copa America keppnin verður haldin en áætlað er að keppnin verði 13. júní til 10. júlí.
Upphaflega átti mótið að vera haldið í Argentínu og Kólumbíu en Kólumbía missti gestgjafaréttinn vegna mikilla og harðra mótmæla í garð ríkisstjórnar landsins.
Staðan er því þannig að ekki er vitað hvar Copa America keppnin verður haldin en áætlað er að keppnin verði 13. júní til 10. júlí.
Conmebol segist vera að skoða aðra möguleika og að önnur lönd hafi lýst yfir áhuga á að halda keppnina. Tíu lið taka þátt.
Copa America fór ekki fram 2020 vegna heimsfaraldursins en Brasilía er ríkjandi meistari eftir að hafa unnið keppnina 2019.
Athugasemdir
