„Alltaf svekkjandi að tapa leik. Við höfðum trú á því að við gætum stolið þessu en við verðum að sætta okkur við að við erum úr bikarnum í ár," sagði Guðni Þór Einarsson, annar af þjálfurum Tindastóls, eftir tap gegn Breiðabliki í Mjólkurbikarnum.
„Við vildum loka á kantana og bakverðina hjá þeim, þær eru oboðslega sterkar þær Agla og Áslaug Munda og við vildum stoppa þær. Við lögðum upp með að vera þéttar til baka og beita skyndisóknum, ekkert leyndarmál."
„Við vildum loka á kantana og bakverðina hjá þeim, þær eru oboðslega sterkar þær Agla og Áslaug Munda og við vildum stoppa þær. Við lögðum upp með að vera þéttar til baka og beita skyndisóknum, ekkert leyndarmál."
Lestu um leikinn: Breiðablik 2 - 1 Tindastóll
Viðtalið í heild má sjá í spilaranum hér að ofan
Fyrra markið kom upp úr hornspyrnu en Blikar fengu sautján slíkar í leiknum.
„Við gerðum okkur grein fyrir að þær myndu örugglega fá margar hornspyrnur í leiknum. Við fáum ekki oft á okkur mark eftir hornspyrnur og það var svekkjandi að fá á sig mark eftir fast leikatriði í fyrri hálfleik því við erum sterk í þeim atriðum. Við erum með að mínu mati einn besta markmanninn í deildinni og mér líður ekkert rosalega illa þegar önnur lið fá hornspyrnu."
Laufey Harpa Halldórsdóttir fékk höfuðhögg undir lok leiks, hvernig er staðan á henni og hvað gerðist?
„Hún fær eitthvað högg og smávægilegan heilahristing. Hún er að fara hitta lækni eftir smá stund og við vonum að þetta sé ekki alvarlegt," sagði Guðni.
Athugasemdir
