„Tilfinningin er bara mjög góð. Það er alltaf gaman að vinna í bikar og að koma inn á og setja hann er bara bónus. “
Sagði Þórdís Elva Ágústsdóttir leikmaður Fylkis eftir 5-1 sigur Fylkis á Keflavík í Kvöld. Þórdís sem hóf leikinn á bekknum kom inn á eftir tæplega klukkustundarleik og var búinn að skora eftir 6 mínútur á vellinum. Hún kórónaði svo góða innkomu sína með glæsimarki í uppbótartíma.
Sagði Þórdís Elva Ágústsdóttir leikmaður Fylkis eftir 5-1 sigur Fylkis á Keflavík í Kvöld. Þórdís sem hóf leikinn á bekknum kom inn á eftir tæplega klukkustundarleik og var búinn að skora eftir 6 mínútur á vellinum. Hún kórónaði svo góða innkomu sína með glæsimarki í uppbótartíma.
Lestu um leikinn: Fylkir 5 - 1 Keflavík
Fylkisliðið hefur verið í basli í deildinni og situr í neðsta sæti deildarinnar með 2 stig. Gefur þessi sigur ekki góð fyrirheit og er góður fyrir sjálfstraust liðsins?
„Já mjög gott fyrir sjálfstraustið. Líka að fá mörk í leikinn, komu fimm mörk og við erum bara búin að skora eitt í deildinni og bara frábært að geta byggt ofan á þetta.“
Þórdís hefur glímt við meiðsli að undanförnu en er óðum að ná sér. Um meiðslin sagði hún og þá staðreynd að þrátt fyrir að vera ekki 100% heil spilar hún
„Ég er handleggsbrotin sem gerðist á móti Val en ég er alveg að reyna að koma til baka. Svolítið erfitt að láta handleggsbrot stoppa sig þegar maður er að spila fótbolta. Ég þurfti að stoppa smá en er komin til baka.“
Sagði Þórdís en allt viðtalið má sjá hér að ofan.
Athugasemdir