Karim Benzema og Vinicius Jr, leikmenn Real Madrid, eru bestu leikmenn ársins í Meistaradeild Evrópu en UEFA opinberaði valið á heimasíðu sinni í dag.
Benzema skoraði 15 mörk í keppninni í ár og reyndist afdrifaríkur í útsláttarkeppninni.
Franski leikmaðurinn gerir sterkt tilkall til að vinna Ballon d'Or síðar á þessu ári en hann er þegar byrjaður að hala inn verðlaunum og var í dag valinn besti leikmaður Meistaradeildarinnar á tímabilinu.
Liðsfélagi hans, Vinicius Jr, var þá valinn besti ungi leikmaðurinn, en hann kom að ellefu mörkum í Meistaradeildinni. Hann skoraði fjögur mörk og lagði upp sjö.
Þá gerði hann sigurmarkið í úrslitaleiknum í 1-0 sigrinum á Liverpool á dögunum en hann og Benzema hafa myndað eitt öflugasta sóknarteymi heims hjá Real Madrid.
🥇 UEFA's Technical Observer panel have named Real Madrid's Karim Benzema as the 2021/22 UEFA Champions League Player of the Season 👏👏👏@Benzema | #UCL
— UEFA Champions League (@ChampionsLeague) May 31, 2022
🥇 UEFA's Technical Observer panel have named Real Madrid's Vinícius Júnior as the 2021/22 UEFA Champions League Young Player of the Season 👏👏👏@vinijr | #UCL
— UEFA Champions League (@ChampionsLeague) May 31, 2022
Athugasemdir