Íslenski landsliðsmarkvörðurinn Rúnar Alex Rúnarsson er spenntur fyrir komandi leikjum landsliðsins í Þjóðadeildinni og vonast til þess að eigna sér stöðuna.
Rúnar Alex spilaði báða leikina í marsverkefninu gegn Finnlandi og Spáni en hann á samtals 14 A-landsleiki að baki.
Liðið undirbýr sig nú fyrir þrjá leiki í Þjóðadeildinni og er fyrsti leikurinn á móti Ísrael í Haifa á fimmtudag.
Það er góð stemning í hópnum og er hann gíraður í verkefnið.
„Bara mjög vel. Það er búið að vera gaman að æfa hérna í Danmörku og náðum góðum æfingum á Íslandi. Mér finnst hópurinn líta vel út og allir klárir og gíraðir."
„Ég undirbý mig þannig. Svo er það undir þjálfaranum komið að velja. Ég spilaði síðustu tvo leiki og stóð mig ágætlega. Ég get aldrei gert kröfu á byrjunarliðssæti en ég vonast eftir að spila og er klár að spila," sagði Rúnar Alex við Fótbolta.net.
Rúnar var spurður út frétt Aftenbladet í Noregi en liðsfélagi hans í landsliðinu, Patrik SIgurður Gunnarsson, er þar sakaður um svindl, en hann hefur fært markið um 15-20 sentimetra í heimaleikjum Viking í norsku úrvalsdeildinni. Rúnar ætlar ekki að gera það sama, enda eru aðrir staðlar hjá UEFA og mörkin líklega föst við jörðina.
„Nei, ég hugsa að ég sleppi því nú. Ég sá myndband af þessu en ég ætla að kommenta sem minnst á þetta. Ekki mitt að svara fyrir þetta," sagði Rúnar um málið.
Athugasemdir