Ansi skemmtilegt atvik átti sér stað á Spáni um helgina er Pablo Hernandez lék lokaleik tímabilsins fyrir lið Castellon.
Hernandez er goðsögn í augum stuðningsmanna Leeds og hjálpaði liðinu að komast upp í ensku úrvalsdeildina á nýjan leik.
Hernandez lék með Leeds frá 2017 til 2021 og lék yfir 150 deildarleiki og skoraði í þeim 31 mark.
Yfir 50 stuðningsmenn Leeds búsettir á Englandi voru mættir til Spánar um helgina og kíktu á leik með sínum fyrrum leikmanni.
Hernandez leikur eins og áður sagði með Castellon í þriðju efstu deild og skoraði tvö mörk í 20 leikjum á tímabilinu. Hann hóf ferilinn einmitt hjá þessu félagi.
Þessir rúmlega 50 stuðningsmenn létu vel í sér heyra í stúkunni og fengu lófaklapp frá Hernandez eftir lokaflautið þar sem hann var í tárum.
Hernandez átti væntanlega ekki von á þessari óvæntu heimsókn og gat ekki annað en tárast er hann þakkaði stuðninginn.
Fallegt að sjá en þetta atvik má skoða hér fyrir neðan.
Pablo Hernandez giving the travelling fans a Leeds Salute after the game for Castellon today!
— Leeds Everywhere 🌍 (@LeedsEverywhere) May 28, 2022
Gracias Pablo! #lufc #LeedsEverywhere @Margarciafdez pic.twitter.com/JaMbzGuX0M