Þessi 31 árs gamli leikmaður gekk til liðs við PSG á frjálsri sölu frá Liverpool á síðasta ári en það hefur ekkert gengið upp hjá franska félaginu.

Hann var valinn einn slakasti leikmaður tímabilsins og virðist ekki vera í plönum Christophe Galtier, þjálfara PSG.

Algeemen Dagblad í Hollandi segir að Roma hafi nú náð samkomulagi við PSG um að fá Wijnaldum á láni út tímabilið með mögulega á að kaupa hann á næsta ári.

Wijnaldum mun halda til Ítalíu á næstu dögum og gangast undir læknisskoðun áður en gengið verður frá helstu smáatriðum.

Hann verður fimmti leikmaðurinn sem Jose Mourinho fær til Roma í sumar á eftir Mile Svilar, Nemanja Matic, Paulo Dybala og Zeki Celik.