Mason Greenwood skoraði markið þegar um 10 mínútur voru eftir af leiknum. Með þessu marki varð hann fjórði leikmaðurinn í sögu ensku úrvalsdeildarinnar til að skora 20 mörk áður en hann verður tvítugur að aldri.

Paul Pogba miðjumaður United hrósaði Greenwood mikið í viðtali eftir leikinn.

„Greenwood er aðallega örfættur en hann getur skotið með báðum fótum og hann er ótrúlegur í að klára færin. Ég held að hann sé bestur í að klára færin af þeim leikmönnum sem ég hef æft með," sagði Pogba.

„Hann er yngstur en hann er bara svo ótrúlegur og ég vona að hann skori fleiri mörk, verði betri og hjálpar okkur að vinna deildina á ný, hann er mjög ungur og mjög hæfileikaríkur svo ég mun pressa á hann að verða betri og betri."