Fabrizio Romano greinir frá því að frágengið sé að miðvörðurinn Manuel Akanji gangi í raðir Englandsmeistara Manchester City frá Borussia Dortmund.

„Here we go!“ skrifar Romano se þýðir að allt sé klappað og klárt. Leikmaðurinn sé búinn að samþykkja samning og muni á næstu klukkustundum gangast undir læknisskoðun.

City er nú þegar með fjóra miðverði; Aymeric Laporte, Ruben Dias, John Stones og Nathan Ake. Akanji kemur til með að berjast við þá um sæti í liðinu.

Hinn 27 ára gamli Akanji lék alls 36 leiki með Dortmund á síðustu leiktíð og hefur verið mikilvægur partur af liðinu síðustu árin.