Enska úrvalsdeildarfélagið Brentford undirbýr tilboð í hinn leiftursnögga Mykhaylo Mudryk og er tilbúið að gera hann að dýrasta leikmanni í sögu félagsins.

Mudryk er 21 árs sóknarmaður sem getur spilað allar sóknarstöðurnar. Hann hefur lengi verið undir smásjá Brentford og mörg önnur félög sýnt honum áhuga.

Mudryk er úkraínskur landsliðsmaður sem spilar fyrir Shaktar Donetsk en félagið vill ekki selja hann fyrir minna en 30 milljónir punda.