Enrico Valentini í markinu í gær.
Andri Rúnar Bjarnason og félagar í Kaiserslautern slógu út úrvalsdeildarlið Nurnberg í þýska bikarnum í gærkvöldi. Staðan eftir venjulegan leiktíma og framlengingu var 2-2 en þá var gripið til vítaspyrnukeppni.
Patric Klandt, markvörður Nurnberg, meiddist undir lok framengingarinnar og þá var liðið búið með allar skiptingarnar.
Enrico Valentini, bakvörður Nurnberg, þurfti því að standa á milli stanganna í vítaspyrnukeppninni.
Valentini náði ekki að verja neina vítaspyrnu af þeim sex sem hann fékk á sig í vítaspyrnukeppninni. Andri Rúnar skoraði úr síðustu spyrnunni og skaut Kaiserslautern áfram í 16-liða úrslit.
Andri kom inn á sem varamaður á 98. mínútu en hann var að snúa aftur eftir nokkurra vikna fjarveru vegna meiðsla og veikinda.
Athugasemdir
