Nú í morgunsárið var dregið í 8-liða úrslit Carabao-deildabikarsins enska en áætlað er að leikirnir fari fram um miðjan desember.

Óhætt er að segja að lagt sé upp fyrir gómsæt undanúrslit.

Drátturinn fór fram í höfuðstöðvum BBC og hjálpaði David James, fyrrum markvörður ÍBV, við að draga.

Jurgen Klopp, stjóri Liverpool, talaði reyndar um það í gærkvöldi að liðið gæti dregið sig úr keppni þrátt fyrir sigurinn gegn Arsenal í stórbrotnum kappleik.

Liverpool heimsækir Villa Park ef liðið dregur sig ekki úr keppninni.

Manchester City hefur unnið deildabikarinn síðustu tvö tímabil en liðið heimsækir C-deildarliðið Oxford. Manchester United fær D-deildarliðið Colchester United í heimsókn á Old Trafford.

Gylfi Þór Sigurðsson og félagar í Everton leika gegn hinu sjóðheita liði Leicester.