Gerard Pique varnarmaður Barcelona tilkynnti eftir Heimsmeistaramótið 2018 í Rússlandi að hann væri búinn að leggja landsliðsskóna á hilluna.
Það gæti þó breyst því Pique hefur greint frá áhuga sínum á að spila fyrir spænska landsliðið á Ólympíuleikunum í Japan á næsta ári.
Það er aldrei að vita nema þeir Gerard Pique og Sergio Ramos verði í vörn Spánar á Ólympíuleikunum á næsta ári en sá síðarnefndi greindi frá því í viðtali á dögunum að hann myndi ekki geta sagt nei við tækifærinu til að spila fyrir þjóð sína á Ólympíuleikunum.
Hinn 32 ára gamli Pique lék 102 leiki fyrir spænska landsliðið á árunum 2009-2018 og varð á þeim tíma bæði Heimsmeistari og Evrópumeistari.
Athugasemdir