Benzema er að gera það gott.
Karim Benzema hefur verið að gera það gott á þessu tímabili í liði Real Madrid sem er í toppbaráttu á Spáni.
Zinedine Zidane knattspyrnustjóri spænska stórliðsins er ánægður með vinnuframlag Benzema.
„Karim breytist ekkert, hann er alltaf samur við sig. Það er mikilvægt að hann sé að skora enda spilar hann í treyju númer níu hjá Real Madrid," sagði Zidane.
Benzema er sá leikmaður í La Liga sem hefur komið að flestum mörkunum, búinn að skora sjö og leggja upp þrjú. Hann er markahæstur ásamt Gerard Moreno og Loren Morón.
„Hann gerir svo miklu meira en að skora bara mörk, hann gerir alltaf mikið fyrir liðið. Ég er virkilega ánægður með framlag hans til liðsins," sagði Zidane.
Athugasemdir
