Kvennalið Arsenal vann þrettánda leik sinn í röð í WSL-deildinni á Englandi í gær er liðið lagði West Ham að velli, 3-1. Þetta er lengsta sigurhrina í sögu deildarinnar.
Íslenska landsliðskonan Dagný Brynjarsdóttir kom West Ham yfir í leiknum en Arsenal kom til baka og skoraði þrjú mörk. Jordan Nobbs, Stina Blackstenius og Frida Maanum skoruðu mörk Arsenal í leiknum.
Arsenal hefur nú unnið þrettán leiki í röð og er það nýtt met í deildinni.
Liðið átti metið frá 2018 er það vann tólf leiki í röð og í síðustu umferð tókst liðinu að jafna það met með 2-0 sigri á Liverpool.
Metið var síðan bætt gegn West Ham í gær. Arsenal er með fullt hús stiga eftir fimm umferðir líkt og Manchester United.
Athugasemdir
