Thiago Motta, sem lék fyrir Barcelona, Inter og PSG á ferlinum, hefur áður þjálfað Genoa og Spezia.

Mynd: EPA

Monza tók á móti Bologna í neðri hluta ítölsku deildarinnar og var staðan markalaus eftir nokkuð jafnan fyrri hálfleik.

Andrea Petagna kom nýliðunum yfir með marki úr vítaspyrnu í síðari hálfleik en hinn skoski Lewis Ferguson jafnaði skömmu síðar.

Riccardo Orsolini, kantmaður sem kom inn af bekknum í síðari hálfleik, kom Bologna svo yfir á 73. mínútu eftir undirbúning frá Joshua Zirkzee.

Monza tók stjórn á leiknum eftir að hafa lent undir en átti í miklum erfiðleikum gegn sterkum gestum og tókst ekki að gera jöfnunarmark. Dýrmæt stig fyrir Bologna og þriðji sigur liðsins í röð í öllum keppnum undir stjórn Thiago Motta.

Bologna er núna með 13 stig eftir 12 umferðir á meðan Monza er með 10 stig.