Síðasti leikur ársins í ensku úrvalsdeildinni var nú rétt í þessu að klárast.

Arsenal heimsótti þá WBA í tímamótaleik en þetta var 811. leikur sem Arsene Wenger stýrði Arsenal og er það met.

Arsenal var töluvert meira með boltann í leiknum en þrátt fyrir það var nokkurt jafnræði með liðunum.

Það dró ekki til tíðinda fyrr en á 83. mínútu. Þá skoraði Alexis Sanchez úr aukaspyrnu og virtist hann vera tryggja Arsenal sigurinn í dag.

Svo reyndist hins vegar ekki vera því WBA fékk vítaspyrnu fimm mínútum síðar og Jay Rodriguez skoraði úr henni. Lokatölur 1-1 jafntefli í síðasta leik ársins.