Guðmundur Þórarinsson
Guðmundur Þórarinsson, leikmaður Norrköping í Svíþjóð, gaf ekki kost á sér í landsliðið sem spilar vináttuleiki við Kanada og El Salvador í Los Angeles í janúar.
Guðmundur spilaði afar vel með Norrköping í sænsku deildinni á tímabilinu sem var að klárast en hann er sagður á leið til Levski Sofia í Búlgaríu.
Það kom á óvart að hann hafi ekki verið í landsliðshópnum sem Erik Hamrén tilkynnti í gær en hann gaf ekki kost á sér. Kristján Óli Sigurðsson, sparkspekingur í Dr. Football, greinir frá þessu á Twitter.
Ástæðan ku vera að Guðmundur er að einbeita sér að því að klára sín mál og finna sér nýtt félag.
Hann spilaði 28 leiki í sænsku deildinni á síðustu leiktíð og lagði upp fjögur mörk er Norrköping hafnaði í 5. sæti deildarinnar.
Gummi gaf ekki kost á sér. Sem mig grunaði í ljósi þess að hann er að finna sér nýtt félag.
— Kristján Óli Sigurðsson (@kristjanoli) December 30, 2019
Athugasemdir
