Roy Hodgson, stjóri Crystal Palace á Englandi, segir að Wilfried Zaha sé ekki til sölu í janúar.
Zaha var nálægt því að yfirgefa Crystal Palace síðasta sumar en Arsenal og Everton voru meðal þeirra liða sem höfðu áhuga á honum.
Félögin voru þó ekki tilbúin að borga uppsett verð og á endanum ákvað Arsenal að kaupa Nicolas Pepe á meðan Everton fékk Alex Iwobi frá Arsenal.
Hodgson segir að Zaha sé ekki til sölu í janúar.
„Wilf er ekki til sölu. Við erum ekki að reyna að selja hann og viljum halda honum hér," sagði Hodgson.
„Ég er með það staðfest að enginn innan félagsins vill selja Zaha. Maður veit hins vegar aldrei hvaðan tilboðin koma og ef það kemur risatilboð þá þarf félagið auðvitað að skoða það en við erum ekki að leitast eftir því að selja hann," sagði hann í lokin.
Athugasemdir
