Franski miðvörðurinn Aymeric Laporte er byrjaður að æfa aftur eftir erfið meiðsli en Pep Guardiola, stjóri liðsins, staðfesti þetta í dag.
Laporte, sem var mikilvægur hlekkur í vörninni er City vann deildina á síðasta tímabili, meiddist illa á hné í byrjun ágúst og hefur verið frá síðan.
Það var upphaflega búist við því að hann myndi snúa aftur í febrúar en hann er nú byrjaður að æfa.
Hann er byrjaður að æfa á grasvellinum á æfingasvæði City og því stutt í endurkomu.
„Laporte er að ná sér. Hann er að æfa einn en hann er þó að æfa á vellinum og það er svona síðasti parturinn af endurhæfingunni," sagði Guardiola.
„Hann getur byrjað að æfa með liðinu eftir viku til tíu daga," sagði hann ennfremur.
Athugasemdir