Moyes tók við West Ham í nóvember árið 2017 er liðið var í fallbaráttu en honum tókst að bjarga liðinu frá falli það tímabilið en félagið ákvað að framlengja ekki samning hans.

Hann er mættur aftur eftir nítján mánaða fjarveru en hann fór afar fögrum orðum um sjálfan sig á fréttamannafundi hjá West Ham.

„West Ham er að fá mjög reyndan knattspyrnustjóra í ensku úrvalsdeildinni," sagði Moyes.

„Ég held að það séu tveir eða þrír stjórar sem eru með betra sigurhlutfall í úrvalsdeildinni fyrir utan mig. Þetta er mín sérgrein, ég vinn leiki. Ég er hér til að ná í sigra og koma þeim úr fallbaráttu," sagði Moyes ennfremur.