Staðarblaðið í Manchester, Manchester Evening News, greinir frá því í dag að Paul Pogba, leikmaður liðsins, hafi ekki ferðast með liðinu til London fyrir leikinn gegn Arsenal annað kvöld.
Pogba spilaði ekki gegn Burnley á laugardaginn síðasta vegna þess að Ole Gunnar Solskjær, stjóra United, fannst ekki rétt að leikmaðurinn myndi spila aftur einungis 48 klukkustundum eftir leikinn gegn Newcastle á öðrum degi jóla. Pogba spilaði seinni hálfleikinn í 4-1 sigri á Newcastle en Solskjær gerði ráð fyrir að Pogba yrði með gegn Arsenal á morgun.
En ljóst er að Pogba var ekki með hópnum sem ferðaðist til London en hann var síðast í byrjunarliðinu þann 30. september þegar United og Arsenal mættust á Old Trafford. Hann var mættur á æfingasvæði Man Utd í gær en æfði hins vegar ekki.
Hópurinn hjá Man.Utd:
Markverðir: David de Gea, Sergio Romero, Lee Grant,
Varnarmenn: Aaron Wan-Bissaka, Harry Maguire, Victor Lindelof, Phil Jones, Brandon Williams, Ashley Young, Luke Shaw,
Miðjumenn: Nemanja Matic, Fred, Andreas Pereira, Jesse Lingard, Juan Mata,
Sóknarmenn: Marcus Rashford, Anthony Martial, Mason Greenwood, Tahith Chong, Angel Gomes, Daniel James.
Athugasemdir