Sölvi Geir Ottesen, fyrirliði Víkings R, er íþróttamaður ársins hjá félaginu en hófið fór fram í gær.
Sölvi var alger lykilmaður í vörn Víkings sem varð bikarmeistari í sumar í fyrsta sinn í 48 ár. Hann náði þá einnig þeim áfanga að spila 100. leik sinn fyrir félagið.
Sölvi spilaði 24 leiki í deild- og bikar í sumar og skoraði 3 mörk en hann var að spila annað tímabil sitt eftir að hafa komið heim úr atvinnumennsku.
Sölvi á vel skreyttan feril en hann var á sínum tíma sænskur deildar- og bikarmeistari auk þess sem hann vann dönsku deildina og bikarinn í tvígang og kínverska bikarinn einu sinni.
Halldór Smári Sigurðsson, varafyrirliði Víkings, tók við verðlaununum fyrir hönd Sölva þar sem hann var fjarverandi.
Athugasemdir