Samningaviðræður enska úrvalsdeildarfélagsins Chelsea við enska framherjann Tammy Abraham ganga afar illa samkvæmt ensku miðlunum en hann vill fá 180 þúsund pund í vikulaun.
Abraham er 22 ára gamall og uppalinn hjá Chelsea en hann hefur skorað 12 mörk í ensku úrvalsdeildinni á leiktíðinni og hefur verið aðalmaður Chelsea á leiktíðinni.
Samningur hans við félagið rennur út árið 2022 en hann hefur undanfarna mánuði verið í viðræðum við félagið um nýjan samning.
Viðræðurnar ganga afar illa samkvæmt ensku miðlunum en hann vill 180 þúsund pund í vikulaun, eitthvað sem Chelsea er ekki tilbúið að bjóða honum.
Chelsea framlengdi samning Callum Hudson-Odoi þegar Frank Lampard tók við liðinu en hann þénar nú 180 þúsund pund og vill Abraham fá sömu laun.
Félagið hefur þegar framlengt samninga við leikmenn á borð við Mason Mount, Ruben Loftus-Cheek, Fikayo Tomori, Billy Gilmour og Jamie Cumming.
Athugasemdir