Edinson Cavani, leikmaður Manchester United, var dæmdur í þriggja leikja bann í dag af enska knattspyrnusambandinu.
Cavani sjálfur segir að hann hafi einungis verið að tala við félaga sinn og að ummælin voru alls ekki meint á níðrandi hátt.
Hann hafi samt ákveðið að áfrýja ekki dómnum og sýna merki um virðingu og samstöðu fyrir herferðina sem knattspyrnan stendur í, sem er barátta gegn kynþáttafordómum.
Cavani hefur verið að spila vel að undanförnu en hann skoraði tvennu í sigri gegn Southampton í deildinni og skaut United áfram í deildabikarnum gegn Everton.
Bannið hefst strax og hann verður því ekki með United gegn Aston Villa á Old Trafford á morgun.
Athugasemdir