Fótbolti.net og listamaðurinn Tolli tóku höndum saman í desember eins og undanfarin ár og buðu upp málverk eftir Tolla hér á vefnum.
Uppboðið stóð til 29. desember og kaupandinn fékk það afhent í hádeginu í dag.
Kaupandinn er Hákon Atli Bjarkason sem má sjá hér á myndinni ásamt Tolla og málverkinu góða. Málverkið í ár sem er 80 x 100 cm að stærð er af Snæfellsjökli.
Öll upphæðin rann til Bjartrar sýnar að þessu sinni en þetta var annað árið í röð sem þau samtök fá alla upphæðina. Björt sýn er styrktarfélag fyrir Ikhlaas munaðarleysingja heimilið í Oyugis, Kenía.
Þetta er fimmta árið í röð sem við stóððum fyrir jólauppboði á málverki Tolla og öll árin rann öll upphæðin í gott málefni.
2020 Björt sýn: 700.000
2019 Björt sýn: 560.000
2018 ABC barnahjálp: 713.000
2017 Samhjálp: 682.000
2016 Fjölskylduhjálp Íslands: 620.000
Athugasemdir