mán 03.júl 2017
Landsliðsmennirnir yfir sig hrifnir af frammistöðu Gunnleifs
Gunnleifur var frábær í marki Blika í kvöld.
Gunnleifur Gunnleifsson átti frábæran leik í marki Breiðabliks í kvöld.

Blikar þurfti að sætta sig við 2-1 tap gegn Íslandsmeisturum FH í Pepsi-deild karla í kvöld, en Gunnleifur var besti maður Blika.

Í skýrslu sinni velur Magnús Þór Jónsson, Gunnleif sem næst besta mann vallarins í kvöld.

Aðeins Kristján Flóki Finnbogason, sem skoraði bæði mörk FH, var betri að mati Magnúsar.

„Í þessum leik var hann einfaldlega geggjaður og hélt sínu liði inni í leiknum allan tímann," segir um frammistöðu Gulla í skýrslunni.

Landsliðsmarkvörðurinn Hannes Þór Halldórsson fylgdist með leiknum í kvöld og hann var yfir sig hrifinn af sínum gamla félaga í landsliðinu. Sömu sögu er að segja af fyrirliðanum, Aroni Einari Gunnarssyni.

Hér að neðan má sjá tíst frá þeim félögum.