þri 02.jan 2018
Sigurmark Ragnars tryggði Íslendingi 2,7 milljónir
Ragnar skorar sigurmarkið.
Árið byrjar vel fyrir íslenska tippara en á nýársdag vann Íslendingur 2.7 milljónir króna í Getraunum.

Sigurmark á síðustu mínútu frá Ragnari Klavan í leik Liverpool gegn Burnley tryggði tipparanum 13 rétta á sunnudagsseðli Getrauna.

Tipparinn, sem er stuðningsmaður Aftureldingar, fékk 13 rétta á nýársdag á seðil sem kostaði 702 krónur en vann 2.715.590 krónur.

Ekki nóg með það heldur varð tipparinn einnig Íslandsmeistari í hópleik í 2. og 3. deild með því að fá 13 rétta í lokaumferðinni og fær 200.000 krónur í verðlaun aukalega.