þri 14.maí 2019
Þrír útileikmenn spiluðu allar mínúturnar á tímabilinu
Conor Coady og félagar enduðu í sjöunda sæti.
Enska úrvalsdeildartímabilinu lauk á sunnudaginn þegar Manchester City tryggði sinn annan Englandsmeistaratitil í röð með sigri gegn Brighton.

Ederson var eini leikmaður Manchester City sem lék allar mínútur tímabilsins, eða 3420 án þess að telja uppbótartíma. Það er þó ekki óvanalegt fyrir markverði að spila allar mínúturnar.

Franski varnarmaðurinn Aymeric Laporte spilaði næstflestar mínútur hjá City, eða 3057, og svo spilaði Bernardo Silva 2853 mínútur. Það vekur athygli að Kyle Walker og Raheem Sterling spiluðu nákvæmlega 2777 mínútur hvor.

Aðeins þrír útispilandi leikmenn spiluðu allar mínúturnar á tímabilinu og leikur enginn þeirra fyrir lið í sex efstu sætunum.

Conor Coady lék allar mínúturnar í liði Wolves, Ben Mee hjá Burnley og Luka Milivojevic hjá Crystal Palace.