lau 02.nóv 2019
Þýskaland í dag - Bayern heimsækir Frankfurt
Gladbach er á toppi deildarinnar sem stendur.
Það eru sex leikir á dagskrá í þýska boltanum í dag. Ríkjandi meistarar í FC Bayern eiga afar erfiðan útileik gegn Eintracht Frankfurt, þar sem Niko Kovac mætir sínum fyrrum lærisveinum.

Á sama tíma á topplið Borussia Mönchengladbach erfiðan útileik gegn Bayer Leverkusen.

Borussia Dortmund tekur á móti Wolfsburg í toppbaráttunni, RB Leipzig fær Mainz í heimsókn og Freiburg, sem hefur farið feykilega vel af stað, heimsækir Werder Bremen.

Lokaleikur dagsins er svo fyrsti stóri nágrannaslagurinn í Berlín síðan 2013. Union Berlin tekur þar á móti Hertha Berlin en liðin mættust síðast í B-deildinni tímabilið 2012-13.

Leikir dagsins:
14:30 Frankfurt - Bayern
14:30 Leverkusen - Gladbach
14:30 Leipzig - Mainz
14:30 Dortmund - Wolfsburg
14:30 Bremen - Freiburg
17:30 Union Berlin - Hertha Berlin