mán 14.sep 2020
[email protected]
Mikael orðaður við AGF
Mikael Anderson gæti fært sig um set í Danmörku en sagt er að AGF hafi mikinn áhuga á að fá hann í sínar raðir.
Hjá AGF má finna Jón Dag Þorsteinsson landsliðsmann.
Mikael er 22 ára og spilaði stórt hlutverk þegar Midtjylland varð meistari á síðasta tímabili. Hann hefur leikið sjö landsleiki fyrir Ísland.
Hann var ekki í leikmannahópi Midtjylland í fyrstu umferð dönsku úrvaladeildarinnar.
Orri Rafn Sigurðarson, kappleikjalýsandi á Viaplay, er búsettur í Danmörku og segir að AGF muni líklega leggja fram tilboð í Mikael í vikunni. Þá er sagt að fleiri dönsk félög séu að horfa til hans.
Mikael kom inn af bekknum í Þjóðadeildarleiknum gegn Belgíu í síðustu viku.
|
