mán 22.nóv 2021
[email protected]
Líkur á að Woodward verði lengur hjá United
Í apríl var tilkynnt að Ed Woodward myndi hætta í starfi sínu hjá Manchester United í lok árs. Woodward er í yfirmannsstöðu hjá félaginu (e. executive vice-chairman) og segir í grein á Sky Sports að hann gæti ílengst í starfi til að hjálpa til við stjóraleit.
Ole Gunnar Solskjær var látinn fara um helgina í kjölfar 4-1 taps gegn Watford í ensku úrvalsdeildinni. Michael Carrick stýrir United til bráðabirgða.
Woodward var hluti af stjórninni þegar hún ákvað að láta Solskjær fara og gæti Woodward haldið áfram í stöðu sinni fram á næsta ár.
Woodward hóf störf hjá United árið 2005 og hefur verið í þessari yfirmannsstöðu síðan 2012.
|