mán 22.nóv 2021
Southgate búinn að skrifa undir (Staðfest) - Bundinn út 2024
Gareth Southgate.
Gareth Southgate landsliðsþjálfari Englands hefur skrifað undir nýjan samning við enska fótboltasambandið og er nú bundinn til desember 2024.

Fyrri samningur Southgate var út HM í Katar 2022 en hann hefur verið landsliðsþálfari Englendinga síðan í nóvember 2016.

Hann kom liðinu í úrslitaleik EM alls staðar og mun stýra liðinu á EM 2024, ef liðið tryggir sér sæti í keppninni.

„Það eru algjör forréttindi að stýra þessu liði. Það eru stór tækifæri í framtíðinni," segir Southgate sem stýrði Englandi til sigurs í riðli sínum í undankeppni HM. Farseðillinn til Katar er klár.

Southgate fær mikla launahækkun með nýjum samningi.